1. თურქეთის პორტ ჯეიჰანიდან BTC-ის მილსადენით 2010 წლის აპრილში 3,1 მილიონი ტონა ნავთობის გადაზიდვა განხორციელდა

2. საქართველო-აზერბაიჯანი-რუმინეთის ერთობლივი კომპანია ინტერკონექტორის პროექტის განსახორციელებლად 30 დღეში ოფიციალურად დაფუძნდება

3. კასპიური გაზის ტრანსპორტირებასთან დაკავშირებითი თურქეთი, აზერბაიჯანი და იტალია ერთობლივ სამიტს გამართავენ

4. მდინარე აჭარისწყალზე ასაშენებელი ჰესებით ორი კომპანია დაინტერესდა

5. ზუგდიდის რაიონის სოფელ ინგირში ინდივიდუალური გამრიცხველიანება დაიწყო

6. ნორვეგია საქართველოს ენერგეტიკაში ინვესტირებით არის დაინტერესებული

7. "კავკასიის ენერგია და ინფრასტრუქტურა" "მტკვარიჰესზე" სადაწნეო გვირაბის მშენებლობას იწყებს

8. „Winrock International - საქართველო" თბილისში საცხოვრებელ კორპუსებში ენერგოეფექტურობის სისტემების დანერგვას იწყებს

9. სლოვაკეთში მოღვაწე ქართველი ბიზნესმენი მთავრობას განახლებადი ენერგიის შესახებ საკანონმდებლო ბაზის მომზადებაში დახმარებას სთავაზობს

10. თბილისი ველური ბუნების საერთაშორისო კონფერენციას მასპინძლობს

11. „ბიომრავალფეროვნების მდგრადი მართვის“ ფარგლებში გარემოს დაცვის სამინისტროსა და GTZ-ს შორის თანამშრომლობა გაგრძელდება

12. RonisZiebebi

 

თურქეთის პორტ ჯეიჰანიდან BTC-ის მილსადენით 2010 წლის აპრილში 3,1 მილიონი ტონა ნავთობის გადაზიდვა განხორციელდა

თურქეთის პორტ ჯეიჰანიდან ბაქო-თბილისი-ჯეიჰანის (BTC) მილსადენით 2010 წლის აპრილში 3,1 მლნ. ტონა ნავთობის გადაზიდვა განხორციელდა.

ამის შესახებ ინფორმაციას აზერბაიჯანის სახელმწიფო ნავთოკომპანია (SOCAR) ავრცელებს, იუწყება აზერბაიჯანული საინფორმაციო სააგენტო abc.az-ი.

 

wyaro: jorjian biznes konsaltingi

 

საქართველო-აზერბაიჯანი-რუმინეთის ერთობლივი კომპანია ინტერკონექტორის პროექტის განსახორციელებლად 30 დღეში ოფიციალურად დაფუძნდება

აზერბაიჯანი-საქართველო-რუმინეთის ინტერკონექტორის პროექტის განმახორციელე-ბელი ერთობლივი კომპანია ბუქარესტში 30 დღის ვადაში უფიციალურად დაფუძნდება.

"პროექტი, რომელიც ითვალისწინებს შავ ზღვაზე, საქართველოში გაზის გამათხევადებელი ტერმინალის, ხოლო რუმინეთში - რეგაზიფიკაციის ტერმინალების მშენებლობას, მნიშვნელოვანია ენერგოდივერსიფიკაციის თვალსაზრისით. ეს არის "ნაბუკოს" თანმდები პროექტი და არა ალტერნატიული "ნაბუკო". პროექტი  გააძლიერებს ენერგოუსაფრთხოებას და უფრო დივერსიფიცირებულს გახდის გაზის მიწოდებას ევროპის ქვეყნებისთვის", - განაცხადა ალექსანდრე ხეთაგურმა.

 

wyaro: jorjian biznes konsaltingi

 

კასპიური გაზის ტრანსპორტირებასთან დაკავშირებითი თურქეთი, აზერბაიჯანი და იტალია ერთობლივ სამიტს გამართავენ

კასპიური ბუნებრივი გაზის ტრანსპორტირებასთან დაკავშირებითი თურქეთი, აზერბაიჯანი და იტალია ერთობლივ სამიტს გამართავენ.

ამის შესახებ განცხადება თურქეთის ენერგეტიკისა და ბუნებრივი რესურსების მინისტრმა ტანერ ილდიზმა გააკეთა, იუწყება თურქული საინფორმაციო საააგენტო "ანადოლუ".

ილდიზის განცხადებით, აზერბაიჯანიდან თურქეთისა და საბერძნეთის გავლით იტალიაში ბუნებრივი გაზის ტრანსპორტირების თაობაზე ბერძნულ მხარესთან მოლაპარაკებები უკვე გაიმართა და ახლა სამივე ქვეყნის უფლებამოსილი პირების შეხვედრისთვის მიდის მზადება.

 

wyaro: jorjian biznes konsaltingi

 

მდინარე აჭარისწყალზე ასაშენებელი ჰესებით ორი კომპანია დაინტერესდა

ენერგეტიკის სამინისტროს ვებ გვერზე განთავსებული პოტენციური ალტერნატიული წყაროების ნუსხაში შემავალი მდინარე აჭარისწყალზე ასაშენებელი ჰესების აჭარისწყალი 1,  აჭარისწყალი 2  და აჭარისწყალი 3  განაცხადების შემოტანის ვადა 17 მაისს ამოიწურა.

განახცადი ორმა თურქულმა კომპანიამ Kura Energy-მ და Optimum  Energi  Uretim A.S-მა შემოიტანეს. ენერგეტიკის სამინისტრო განიხილავს კომპანიების მიერ წარმოდგენილ დოკუმენტაციას და მოთხოვნების დაკმაყოფილების შემთხვევაში მიმართავს მათ საბანკო გარანტიის წარმოდგენის მოთხოვნით. გამარჯვებული კომპანიის გამოსავლენად გადაწყვეტილებას საქართველოს მთავრობა მიიღებს.

 

ზუგდიდის რაიონის სოფელ ინგირში ინდივიდუალური გამრიცხველიანება დაიწყო

14 მაისს  ენერგეტიკის მინისტრი ალექსანდრე ხეთაგური ზუგდიდის რაიონის სოფელ ინგირში “ენერგო-პრო ჯორჯია”-ს მიერ წარმოებულ ინდივიდუალური გამრიცხველიანების პროცესის დაწყებას დაესწრო.

ევროპული ტიპის თანამედროვე სტანდარტების შესაბამისი ინდივიდუალური მრიცხველები დაუმონტაჟდება 1,600 აბონენტს. პროექტის ღირებულება შეადგენს 480,000 ლარს.

ინდივიდუალური გამრიცხველიანება არ გულისხმობს აბონენტებისთვის მხოლოდ მრიცხველის მონტაჟს; ეს პროცესი მოიცავს ქსელის მასშტაბურ რეაბილიტაციას, რომლის ფარგლებშიც მთლიანად იცვლება ამორტიზირებული კაბელები ახალი სადენებით, ძველი ხის ბოძები – ახალი რკინაბეტონის ბოძებით, რემონტდება სატრანსფორმატორო პუნქტები და მნიშვნელოვნად უმჯობესდება ქსელის ინფრასტრუქტურა.

wyaro: saqarTvelos energetikis saministros veb gverdi

 

ნორვეგია საქართველოს ენერგეტიკაში ინვესტირებით არის დაინტერესებული

ნორვეგია საქართველოს ენერგეტიკაში ინვესტირებით არის დაინტერესებული. ამის შესახებ განცხადება 11 მაისს გარემოს დაცვისა და ბუნებრივი რესურსების მინისტრის გოგა ხაჩიძესა და საქართველოში ნორვეგიის სამეფოს საგანგებო და სრულუფლებიან ელჩს, იონ რამბერგს შორის სამინისტროში გამართული შეხვედრის შემდეგ გაკეთდა.

სამინისტროს ინფორმაციით, შეხვედრაზე მხარეებმა ის ძირითადი პროექტები განიხილეს, რომლებსაც მომავალში გარემოსდაცვით სფეროში ნორვეგიისა და საქართველოს მთავრობები ერთობლივად განახორციელებენ. შეხვედრაზე ყურადღება ჰიდროენერგეტიკის სფეროზე გამახვილდა.

wyaro: jorjian biznes konsaltingi

 

”კავკასიის ენერგია და ინფრასტრუქტურა" "მტკვარიჰესზე" სადაწნეო გვირაბის მშენებლობას იწყებს

სს "კავკასიის ენერგია და ინფრასტრუქტურა" "მტკვარიჰესზე" სადაწნეო გვირაბის მშენებლობას იწყებს. კომპანიის ცნობით, 9,6 კმ სიგრძის 46,4 მეგავატი სიმძლავრის "მტკვარი ჰესის" პროექტის ერთ-ერთი ყველაზე მნიშვნელოვანი ნაწილია და გვირაბის ბურღვითი სამუშაოების დაწყება უმნიშვნელოვანესი ეტაპია ჰიდროელექტროსადგურის მშენებლობის პროცესში.

გვირაბი DOSCO MK4 roadheader მანქანის მეშვეობით იბურღება, რომელიც სამშენებლო მოედანზე CEI-ს ინჟინრებისა და ჩამოსული DOSCO-ს სპეციალისტების დახმარებით აეწყო. სადაწნეო გვირაბი სათაო ნაგებობებსა და სადგურის შენობას აკავშირებს.

ჰიდროელექტროსადგური ექსპლუატაციაში შესვლის შემდგომ წლიურად 253 გვტ/სთ ელექტროენერგიას გამოიმუშავებს. ჰესის დატვირთვის კოეფიციენტი სავარაუდოდ 63%-ს მიაღწევს. გვირაბის მშენებლობა 25 მლნ. აშს დოლარი ჯდება. ჰესის მშენებლობის პროქტის საინვესტიციო ღირებულება 80 მლნ. აშშ დოლარმდეა.

wyaro: jorjian biznes konsaltingi

 

თბილისი ველური ბუნების საერთაშორისო კონფერენციას მასპინძლობს

სასტუმრო „რედისონი“ ველური ბუნების მენეჯმენტის მე-19 საერთაშორისო კონფერენციას (IBA 2010) მასპინძლობს, რომელიც დღეს გარემოს დაცვისა და ბუნებრივი რესურსების მინისტრის მოადგილემ გიორგი ზედგინიძემ, ილიას სახელობის უნივერსიტეტის რექტორმა გიგი თევზაძემ და დათვის საერთაშორისო ასოციაციის პრეზიდენტმა ფრენკ მანენიმ გახსნეს.

კონფერენცია დათვის საერთაშორისო ასოციაციის ეგიდით ყოველ ორ წელიწადში ერთხელ მსოფლიოს სხვადასხვა ქვეყანაში იმართება. წელს თბილისის კონფერენციას, რომლის ორგანიზატორია სახეობათა კონსერვაციის სამეცნიერო-კვლევითი ცენტრი  „ნაკრესი“, 30-ზე მეტი ქვეყნის 150 დელეგატი ესწრება.

კონფერენციის მიზანია ადამიანსა და მტაცებელს შორის, მათ შორის ტყვე დათვების პრობლემის გადაჭრა. ასევე, ბუნებასთან ჰარმონიული ურთიერთობის დამყარება, როგორ უნდა დავიცვათ საქართველოს ფაუნა, განსაკუთრებით ის უნიკალური სახეობები, რომლებიც ჩვენთან ჯერ ისევ ბინადრობენ, მაგრამ მსოფლიოს ბევრ ქვეყანაში უკვე გადაშენების პირას არიან.

 

wyaro: saqarTvelos garemos dacvisa da bunebrivi resursebis veb gverdi

 

ბიომრავალფეროვნების მდგრადი მართვის“ ფარგლებში გარემოს დაცვის სამინისტროსა და GTZ-ს შორის თანამშრომლობა გაგრძელდება

11-12 მაისს სიღნაღის რაიონში გერმანიის ტექნიკური თანამშრომლობის საზოგადოების (GTZ) პროექტის - „ბიომრავალფეროვნების მდგრადი მართვის“ ფარგლებში ორდღიანი სამუშაო შეხვედრა გაიმართა, რომელშიც გარემოს დაცვის მინისტრის მოადგილე გიორგი ზედგინიძე, GTZ-ის პროგრამის ხელმძღვანელი ფრანკ ფლაშე, გარემოს დაცვის სამინისტროსა და დედოფლისწყაროს ადგილობრივი თვითმმართველობის წარმომადგენლები მონაწილეობდნენ.

გასვლით შეხვედრაზე მონაწილეებმა ბიომრავალფეროვნების მდგრადი მართვის პროგრამის მიზნები, მოსალოდნელი მიღზევები და უკვე არსებული სტრატეგიული მიდგომები განიხილეს.  ასევე, იმსჯელეს გარემოს დაცვისა და ბუნებრივი რესურსების სამინისტროს პოლიტიკის იმ პრიორიტეტებსა და სტრატეგიულ მიმართულებებზე, რომლის შესახებ მუშაობაც პროგრამის ფარგლებში უნდა  განხორციელდეს. შეხვედრის შედეგად დაისახა ის სამომავლო გეგმები, რომელიც პროგრამის პირველი ფაზის დასრულებამდე განხორციელდება