1. რუსული "როსნეფტი" და ამერიკული "შევრონი" შავ ზღვას იყოფენ?

 

2. ბელორუსი ევროპას რუსულ გაზს აღარ მიაწვდის

 

3. ახმეტის რაიონში ნავთობის გაუქმებული ჭაბურღილები ამოქმედდება

 

4. საქართველოში ნავთობის გადამამუშავებელი ქარხნის დაგეგმვა-მშენებლობაზე კორპორაციამ ინტერესთა გამოხატვა გამოაცხადა

 

5. "საქართველოს საერთაშორისო ენერგეტიკული კორპორაცია" "რიცეულაჰესის" სიმძლავრეს 4-ჯერ გაზრდის

 

6. თურქული კომპანია წაბლარის წყალსა და აკავრეთაზე ჰესების მშენებლობით დაინტერესდა

 

7. "საქართველოს სახელმწიფო ელექტროსისტემამ" 2009 წელი 34,937 მილიონი ლარის ზარალით დაასრულა

 

8. "ბილაინი" განახლებადი ენერგიის წყაროების ათვისებას იწყებს

 

9. იაპონიის მთავრობამ საქართველოს 5,3 მილიონი დოლარის გრანტი გამოუყო

 

10. „მოდური ტური“ ლაგოდეხის ნაკრძალში

 

11. publikaciebi

 

12. RonisZiebebi

 

 

 

 

რუსული "როსნეფტი" და ამერიკული "შევრონი" შავ ზღვას იყოფენ?

რუსულმა და ამერიკულმა ნავთობმომპოველმა გიგანტებმა შავი ზღვის შელფის დასავლეთ მონაკვეთზე ნავთობის საძიებო და მოპოვების სამუშაოებთან დაკავშირებით შეთანხმება გააფორმეს. შეთანხმების თანახმად, "შევრონი" რუსეთის ტერიტორიულ წყლებში ჯერ საძიებო სამუშაოებს, შემდეგ კი ნავთობის მოპოვებას დაიწყებს. საუბარია 2 ჭაბურღილზე, რომელთაგან ერთი ნოვოროსიისკის სანაპიროსთან მდებარეობს და მეორე - ტუაპფსესთან.

რუსეთის ტერიტორიაზე ნავთობის საძიებლად უცხოელთა მოწვევას "როსნეფტის" ხელმძღვანელი შავი ზღვის რელიეფის სირთულითა და ტექნოლოგიების არქონით ხსნის, თუმცა არაფერია ცნობილი იმის შესახებ, თუ რას მიიღებს რუსული მხარე თავის 2 საბადოსთან ამერიკელთა დაშვების სანაცვლოდ.
ცნობისათვის, "როსნეფტის" მონაცემებით, შავი ზღვის ფსკერის ქვეშ 4,6 მილიარდი ბარელი ნავთობია და აქ 180 ჭაბურღილის გაბურღვა შეიძლება. აქედან 28-ის ბულგარეთის, 82-ის რუმინეთის, 20-ის თურქეთისა და 2-ის საქართველოს ტერიტორიულ წყლებში.

 

wyaro: jorjian biznes konsaltingi

 

ბელორუსი ევროპას რუსულ გაზს აღარ მიაწვდის

ალექსანდ ლუკაშენკოს ბრძანებით, ბელორუსია  ევროპას რუსული გაზის მიწოდებას მანამდე შეუწყვეტს, სანამ ”გაზპრომი” მინსკს ბელორუსიის ტერიტორიაზე გაზის ტრანზიტის შედეგად დაგროვილ ვალს არ გადაუხდის, - იუწყება ”რია ნოვოსტი”.

”გაზპრომს” ჩვენი ნახევარი წლის ვალი 260 მილიონი დოლარი მართებს, და სანამ მის საფასურს არ გადაიხდის  ბუნებრივი აირის ტრანზიტი აღარ განხორციელდება”, - განაცხადა პრეზიდენტმა. შეგახსენებთ, რომ ადრე ბელორუსია ”გაზპრომის” დავალიანებად 217 მილიონ დოლარს ასახელებდა, რუსეთი კი თავის მხრივ მათ, საწვავის იმპორტის შედეგად დაგროვილ ვალს 192 მილიონ დოლარს სთხოვს. ლუკაშენკოს განცხადებით, ამ სიტუაციიდან საუკეთესო გამოსავალი  ვალის ურთიერთჩამოწერა იქნებოდა.

 

wyaro: sainformacio portali "ambebi"

ახმეტის რაიონში ნავთობის გაუქმებული ჭაბურღილები ამოქმედდება

ახმეტის რაიონის სოფელ მატნის მიმდებარე ტერიტორიაზე ნავთობის საბადოს ამოქმედებისთვის ჭაბურღილის კაპიტალური შეკეთება დაიწყო. როგორც კახეთის საინფორმაციო ცენტრს ენერგეტიკის მინისტრმა ალექსანდრე ხეთაგურმა განუცხადა, ახმეტაში 7 ასეთი ჭაბურღილი ამოქმედდება.

„სამუშაოებს ტენდერში გამარჯვებული ინდური კომპანია „ჯინდალ პეტროლიუმ ჯორჯია“ ასრულებს. შესაძლოა, ნავთობის გადამუშავება ადგილზეც მოხდეს. ამჯერად, კი პროდუქცია საერთაშორისო ბაზარზე გავა“ - განაცხადა მინისტრმა.

ნავთობის საბადოს ამოქმედებისთვის კომპანია 6 მილიონ ლარს დახარჯავს. სამუშაოებზე ადგილობრივი მუშა - ხელი დასაქმდა. ჭაბურღილების კაპიტალური რემონტი უახლოეს თვეებში დასრულდება.

 

wyaro: sainformacio saagento "faqti"

საქართველოში ნავთობის გადამამუშავებელი ქარხნის დაგეგმვა-მშენებლობაზე კორპორაციამ ინტერესთა გამოხატვა გამოაცხადა

საქართველოს ნავთობისა და გაზის კორპორაცია მიზნად ისახავს შეისწავლოს, დააგეგმაროს და ააშენოს ნავთობის გადამამუშავებელი ქარხანა საქართველოში, ამ მიზნით კორპორაციამ საკონსულტაციო მომსახურებაზე ინტერესთა გამოხატვა გამოაცხადა.

 

wyaro: saqarTvelos energetikis saministros veb-gverdi

 

"საქართველოს საერთაშორისო ენერგეტიკული კორპორაცია" "რიცეულაჰესის" სიმძლავრეს 4-ჯერ გაზრდის

გერმანიის საკრედიტო ბანკის (KFW) მიერ გამოყოფილი დაფინანსებიდან ამბროლაურის რაიონში მდებარე "რიცეულაჰესის" სარეაბილიტაციო სამუშაოები დაფინანსდება.

ჰესის (საპროექტი სიმძლავრე 6,1 მეგავატი) რეაბილიტაციის პროექტს ახორციელებს საქართველოს საერთაშორისო ენერგეტიკული კორპორაცია, რომელმაც ჰიდროელექტროსადგური 2010 წელს შეიძინა.

საქართველოს საერთაშორისო ენერგეტიკული კორპორაციის ხელმძღვანელის, ნათია თურნავას განმარტებით, რეაბილიტაციის პროექტის თანადაფინანსებისათვის KFW-ს და "მუნიპალური განვითარების ფონდისაგან" მიღებულ 2 192 000 ევროს ოდენობის ენერგოკრედიტს კორპორაციას "თიბისი ბანკი" გამოუყოფს.

 

wyaro: jorjian biznes konsaltingi

თურქული კომპანია წაბლარის წყალსა და აკავრეთაზე ჰესების მშენებლობით დაინტერესდა

ენერგეტიკის სამინისტროს ინფორმაციით, მდინარეეებზე წაბლარის წყალი და აკავრეთა ასაშენებელი ჰესებით „წაბლარი2" და „მერისი" თურქული კომპანია - MAR-SU Electrical Generation Trade and Industry Limited Company დაინტერესდა.

სამინისტროს მონაცემებით, კომპანიამ განაცხადი სამინისტროში უკვე წარადგინა. განაცხადების წარდგენის ბოლო ვადაა 2010 წლის 21 ივლისი.

 

wyaro: jorjian biznes konsaltingi

"საქართველოს სახელმწიფო ელექტროსისტემამ" 2009 წელი 34,937 მილიონი ლარის ზარალით დაასრულა

საქართველოს სახელმწიფო ელექტროსისტემის (სსე) საწესდებო კაპიტალი 2009 წელს 55,7 მლნ. ლარით გაიზარდა და 436,9 მლნ. ლარი შეადგინა.

სსე-ს 2009 წლის ანგარიშის მიხედვით, საწესდებო კაპიტალი ასეთი ზრდა სსე-ის კაპიტალში შპს "ენერგოტრანსის" 100%-იანი წილის შეტანამ განაპირობა.

ანგარიშში განმარტებულია, რომ კვალიფიციური საწარმოებისათვის გაწეული მომსახურების საფასურის ამოღების საშუალო მაჩვენებელმა 2009 წელს 100%-იან ნიშნულს მიაღწია, რაც კომპანიის საქმიანობის ბოლო ათწლეულის განმავლობაში უპრეცედენტო ფაქტია.

კომპანიის შემოსავალმა 2009 წელს 83,918 მლნ. ლარი შეადგინა, რაც წინა წლის მაჩვენებელს 35%-ით აღემატება. ამ პერიოდში კომპანიის ზარალმა საოპერაციო საქმიანობიდან 34,937 მლნ. ლარი შეადგინა, ხოლო 2008 წელი კომპანიამ 31,551 მლნ. ლარის მოგებით დაასრულა.

 

wyaro: jorjian biznes konsaltingi

 

„მოდური ტური“ ლაგოდეხის ნაკრძალში

გარემოს დაცვისა და ბუნებრივი რესურსების სამინისტროს დაცული ტერიტორიების სააგენტოს ორგანიზებით, ლაგოდეხის ნაკრძალში საინფორმაციო ტური მოეწყო, რომელშიც ქართული მოდის წარმომადგენლებმა მიიღეს მონაწილეობა.
"დღევანდელი  სათავგადასავლო ტურის მიზანია ნაკრძალის პოპულარიზაცია. გვინდა, საქართველოს ყველა მოქალაქემ გაიგოს, თუ რა სიმდიდრე გვაქვს," განაცხადა დაცული ტერიტორიების სააგენტოს უფროსმა გიორგი შონვაძემ.
ცნობილმა ქართველმა დიზაინერებმა და მოდელებმა ტურის განმავლობაში ლაგოდეხის დაცული ტერიტორიების ვიზიტორთა ცენტრი დაათვალიერეს, შემდეგ კი საფეხმავლო ბილიკს გაუყვნენ, შრომის ჩანჩქერი მოინახულეს  და ცხენებით გაისეირნეს.

 

wyaro: saqarTvelos garemosdacvis da bunebrvi resursebis saministro